Киһи доруобуйатын эчэтии, күүһүлээһин…

Ааспыт сууккаҕа Саха сиригэр биэс  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Жатай бөһүөлэгэр 1986 с.т. киһи доруобуйатын эчэттилэр, буруйдаах ким буолара быһаарылынна. Бүлүү улууһугар күүһүлээһиҥҥэ сайабылыанньа киирбит. Бу быһылааҥҥа уорбаланааччы билиннэ.

Дьокуускай куоракка бэлисипиэти уордулар. Мэҥэ Хаҥаласка уонна киин куоракка арыгы иһэн баран хат уруулга олоруу түгэннэрэ таҕыста.

Киһи өлүүлээх суол быһылаана бэлиэтэммэтэ. Дьокуускай куоракка Бүлүүлүүр суолунан 1987 с.т. дьахтар  «Тойота Премио» массыынанан айаннаан иһэн уруулун кыайан туппакка,   ГАИ поһун дьиэтигэр  кэлэн түстэ. Суол саахалын түмүгэр дьахтар эчэйиини ылан госпитализацияланна.