Киһини өлөрө сатаабыт эр киһи сууттаныаҕа

Дьокуускай куорат борокуратуурата олохтоох киһиэхэ тэриллибит холуобунай дьыаланан буруйдуур түмүгү бигэргэттэ. Кини РФ ХК 30 ыст. 3 ч. — 105 ыст. 1 ч. буруйданар диэн СӨ Борокуратуурата иһитиннэрэр.

Силиэстийэ дааннайдарынан, буруйданааччы 2025 сыл ыам ыйыгар бэйэтин кыбартыыратыгар сылдьан эдьиийэ уонна эмсэҕэлээччи этиһэллэрин истибит. Онно кэлэн, эмсэҕэлээччини быһаҕынан үстэ искэ уонна биирдэ хаҥас илиитигэр анньыбыт. Бу киһи улаханнык эчэйбит.

Эмсэҕэлээччигэ сибэдиэтэллэр тута көмөлөһөннөр уонна суһал көмөнү ыҥыраннар, тыына быстыбатах.

Буруйданааччы буруйун билиммэтэх.

Холуобунай дьыала суут көрүүтүгэр ыытыллыбыт.