Киһи өлүүлээх саахал таҕыста

Бэҕэһээ, ахсынньы 24 күнүгэр, госавтоинспекция дьуһуурунай чааһыгар суһал мэдэссиинискэй көмө үлэһитэ эрийэн, Хатаска киһи өлүүлээх саахал тахсыбытын иһитиннэрбит.

Сабаҕалаан быһаарыынан, 1994 сыл төрүөх суоппар «Тойота Аллион» массыынанан Хатастан Дьокуускайдыыр суолу тутан иһэн уруулун кыайан туппакка, утары суолга тахсан “Тойота Витц” массыынаны кытта харсыспыт. Ол түмүгэр “Тойота Витц” массыына суоппара өлбүт. Олорсон испит икки пассажир уонна суоппар араас эчэйиини ыланнар балыыһаҕа киирбиттэр.

Хаартыска  интэриниэт ситимиттэн туһанылынна.