Киһи өлүүлээх суол быһылаана таҕыста

Барыллаан быһаарыллыбытынан, бүгүн, алтынньы 7 күнүгэр, сарсыарда 7 ч. 28 мүн. «Лена»  федеральнай  суол 392 км 1968 сыллаах төрүөх суоппар  «ФОЛЬКСВАГЕН» массыынанан  Нерюнгриттэн  Чульман диэки айаннаан иһэн, утары  балаһаҕа  тахсан,  «ХОНДА» массыынаны кытары харсыспыт.

Госавтоиниспиэксийэ иһитиннэрбитинэн,  суһал көмө биригээдэтэ   «ХОНДА» массыынаҕа олорсон испит 2015 сыллаах төрүөх пассажиры балыыһаҕа илдьибит. Эмиэ бу массыынаҕа олорсон испит  1976  сыллаах төрүөх дьахтар  улахан эчэйиини ылан, суорума суолламмыт.

Билигин суол саахала тахсыбыт сиригэр силиэстийэлиир-суһал бөлөх үлэлиир.