Киһи өлүүлээх суол быһылаана таҕыста

Бүгүн, олунньу 14 күнүгэр, Нерюнгри оройуонугар киһи өлүүлээх суол быһылаана таҕыста. 

Барылааһын быһыытынан,  16 чаас 20 мүн. саҕана  «Ниссан Куб»  Нерюнгри куораттан Чульман диэки «Лена» федеральнай суолунан айаннаан иһэн,  382 км «Обгон запрещен» бэлиэ баарын үрдүнэн, утары балаһаҕа тахсан,  «УАЗ Патриот» массыынаны кытта харсыспыт.

Ол түмүгэр  «Ниссан Куб» суоппара суорума суолламмыт.  «УАЗ Патриот» суоппара  Нерюнгритээҕи Киин балыыһаҕа киллэриллибит.

Билигин суол быһылаана тахсыбыт сиригэр силиэстийэлиир суһал бөлөх үлэлиир.