От ыйын 4 күнүгэр Бороҕоннуур суол 83 килэмиэтиригэр суол быһылаана таҕыста. 56 саастаах дьахтар «Тойота Рав 4» массыынаны ыытан иһэн, уруулун кыайан салайбакка, массыыната түҥнэстибит. Бу туһунан Саха сирин Госавтоинспекцията иһитиннэрэр.
Бу быһылааҥҥа массыынаҕа олорсон испит 51 саастаах эр киһи тыына быстыбыт. Бэрэбиэркэ түмүгүнэн биллибитинэн, кэнники олбоххо 8, 10, 14 саастаах оҕолор олорсон испиттэр.
Кинилэри Уус Алданнааҕы киин балыыһаҕа көрдөрбүттэр. Улахан оҕо төбөтүгэр баастаах, түөһүн, саннын өлөрбүт, онон кинини быраастар эмтииллэр.
Суоппар дьахтар кэпсээбитинэн, оҕолор бары курунан баанан олорбуттар. Бу өлбүт пассажир эрэ бааммакка олорбут. Дьахтар «А, А1, В, В1, М» категориялаах суоппар 20 сыл ыстаастаах эбит. Кэнники икки сылга ГАИ хайысхатынан үстэ административнай эппиэтинэскэ тардылла сылдьыбыт (олус түргэнник айаннаабытын иһин). Бэйэтэ курунан баанан олорбут буолан, бу быһылааҥҥа эмсэҕэлээбэтэх.
Киһи өлүүлээх суол быһылаанын матырыйааллара силиэстийэҕэ бэрилиннилэр.
Госавтоинспекция айаҥҥа куттала суох буолууну хааччыйар сыалтан, анал куру баанан олорорго сүбэлиир. Куру баамматах, эбэтэр, олох да суох буоллаҕына, РФ КоАП 12.6 ыстатыйатынан 1 тыһыынча солкуобай кээмэйдээх ыстараап көрүллэр. Инники, кэнники олбох диэн араарыллыбат. Оҕолорго анал кириэһилэлэрэ баар буолуохтаахтар.
Бэҕэһээ, алтынньы 5 күнүгэр, Хаҥалас улууһун Күөрдэм сэлиэнньэтигэр 16 саастаах оҕо доҕорун -- 14 саастаах…
Дьулус бүгүн тренажернайга эрчиллэн эрдэ бүттэ. Тахсаары туран тымныы уунан сууммут буолан, этэ-сиинэ хаһааҥҥытааҕар да…
Ааспыт кыһын тохсунньуга, томороон тымныы түһэн турдаҕына «Өймөкөөн – Тымныы полюһа” бырайыакка таһырдьа уһуну сүүрүүгэ…
Оһуокай өрөспүүбүлүкэтээҕи уопсастыбатыгар ураты куоластаах, тыллаах-өстөөх, тойуктаах үҥкүү тылын этээччилэр бааллар. Ол курдук, Күөх Ньурбаттан…
Харчы олоххо тирэҕи биэрэр, сарсыҥҥы күҥҥэ эрэли үөскэтэр. Биһиги сатаан суоттанар, аттарынар буоллахпытына, оҕобутун харчыны…
Бэҕэһээ, алтынньы 5 күнүгэр, Алдан уонна Ленинскэй икки ардыгар суол саахалыгар пассажир дьахтар эчэйбитин туһунан…