Киһи өлүүлээх суол быһылаанын көрбүт дьону көрдүүллэр

Ааспыт ыйга Дьокуускайга  сатыы хааман иһэр киһини түҥнэри көтөннөр, эмсэҕэлээбит дьахтар балыыһаҕа киирэн тыына быстыбыта. Билигин полиция туһааннаах суол быһылаанын көрбүт  дьону көрдүүрэ.

Балаҕан ыйын  23  күнүгэр киэһэ  20 ч. саҕана Октябрьскай уулусса 5 №-дээх   дьиэтин таһыгар,  46 саастаах  «Toyota Land Cruiser Prado» суоппара сатыы дьон туорааһыннарынан хааман испит  67 саастаах дьахтары түҥнэри көппүтэ.  Ол түмүгэр дьахтар балыыһа  киирэн баран өлбүтэ.

Госавтоиниспиэксийэ суол  быһылаанын көрбүт  сибидиэтэллэри көрдүүргэ көмө көрдүүр.  Иһитиннэриини  8(924)366-91-98 нүөмэргэ эрийэн этиэхитин сөп.