Киһи өлүүлээх суол саахалын таһаарбыт дьахтар 2,5 сылга көҥүлэ быһыллыаҕа

Дьокуускай борокуратуурата олохтоох дьахтарга тэриллибит холуобунай дьыаланан судаарыстыбаннай буруйдааһыны өйөөтө. Дьахтар РФ Холуобунай кодексын 264 ыст. 3 ч. сууттанна диэн СӨ Борокуратуурата иһитиннэрэр.

Быһаарыллыбытынан, сууттанааччы дьахтар 2023 сыл от ыйыгар  Suzuki Escudo массыынаны ыытан иһэн хаҥас диэки салайаары, суол утары балаһатынан айаннаан испит матасыыкыллаах киһини ыыппатах. Суол быһылаанын түмүгэр матасыыкылы ыытан испит киһи тыына быстыбыт.

Суут дьахтары 2 сыл уонна 6 ый көҥүлүн быһарга бириигэбэрдээтэ, итиэннэ 2 сылга тырааныспары ыытар быраабын быста.

Бириигэбэр сокуоннай күүһүгэр киирэ илик.