Киһилээх Хайаҕа айан “Уһук Илин – мүччүргэннээх сырыы дойдута” куонкуруска эһиэхэ кыайыыны аҕалыан сөп
![](https://sakha-sire.ru/wp-content/uploads/2024/05/gora-1060x596.jpeg)
Киһилээх Хайа – айылҕа анаан айбыт сирэ Дьааҥы оройуонугар Черскэй сис хайатыгар киирсэр Киһилээх сис хайатын Дьааҥы уонна Адыаччы салааларыгар баар. Очуос быһыылаах ураты таас хайа эһиэхэ умнуллубат өйдөбүлү сэргэ «Уһук Илин – мүччүргэннээх сырыы дойдута” (Дальний Восток – Земля приключений») куонкуруска эһиэхэ кыайыыны аҕалыан сөп.
Киһилээх хайата – бу остуолба быһыылаах таас хайа ыраахтан дьоҥҥо майгынныыр, отучча килэмиэтир уһуннаах тэнийэн тураллар. Бу кэрэ көстүүнү уу, тыал, салгын хамсааһына тутан турарын киһи итэҕэйбэт. Бу соторутааҕыта диэри олохтоохторго ытык сир буолан, дьахталлар уонна оҕолор бу хайалар диэки көрөллөрө да бобуулааҕа. Бэйэтин ураты дьиктитинэн Киһилээх Стоунхенджены уонна Египет пирамидаларын кытта тэҥ суолталаах.
Киһилээх Хайатын үрдүгэ – муора таһымыттан 1070 миэтэрэ, уһуна – 27 килэмиэтир курдук. Ортотунан 25-30 миэтэрэ үрдүктээх остуолба быһыылаах таас хайа.
Киһилээх – сахаларга ытык сир сааһа, геологтар ааҕалларынан, 60 мөл сылга тэҥнэһэр.
“Дальний Восток – Земля приключений” видеоролик куонкуруһугар кыттан бэйэҕин уонна өрөспүүбүлүкэҥ ураты кэрэтин көрдөрүөххүн сөп. Куонкурус Арассыыйа олохтоохторун Уһук Илиҥҥэ интэриэстэрин күүһүрдэр сыаллаах тэрилиннэ.
Саха сирин устун айаҥҥыт туһунан киинэнэн куонкуруска кыттарга сайаапканы 2024 сыл ахсынньы 30 күнүгэр диэри путешественникдв.рф саайтка биэриэххитин сөп.
Өрөспүүбүлүкэ олохтоохторун куонкуруска көхтөөхтүк кыттаргытыгар ыҥырабыт. Кылаабынай бирииһэ – 3 мөлүйүөн солкуобай!
Куонкурус номинациялара:
Сатыы айан (сатыы бохуот, айылҕаҕа бэлэсипиэтинэн айан) ;
Уунан айан (өрүһүнэн, муоранан устуу, уу иһигэр айан, серфинг);
Кыһыҥҥы айан (хайыһар бохуота, ытынан айан, кыһын бэлэсипиэтинэн айаннааһын, сноубординг).
Уһук Илиҥҥэ айаҥҥыт туһунан 8 мүнүүтэ уһуннаах кылгас киинэни устуохтааххын. Уһук Илиҥҥи сиргэ-уокка аан бастаан бу сири арыйааччы курдук көрдөрүллүбүт үлэлэргэ болҕомто ууруллуоҕа. 10 үөһээ саастаах оҕолор улахан дьон салалтатынан кыттыахтарын сөп уонна улахан дьон эмиэ.
Куонкурус вице-премьер – УИФУо РФ Бэрэсидьиэнин боломуочуйалаах бэрэстэбиитэлэ Юрий Трутнев, Арассыыйа Уһук Илини сайыннарыыга министиэристибэтэин “Уһук Илин уонна Арктика сайдыытын корпорацията” АУо , “Социальнай көҕүлээһиннэри сайыннарыы пуондата” НКО көҕүлээһиннэринэн тэриллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: