Киһини өлөрбүт дьахтар сууттанна

Дьокуускай куорат борокуратуурата 39 саастаах олохтоох дьахтарга тэриллибит холуобунай дьыаланан судаарыстыбаннай буруйдааһыны өйөөтө. Дьахтар  РФ Холуобунай кодексын 105 ыст. 1 ч. уонна 158 ыст. 2 ч. «в» пуунунан сууттаммыт. Бу туһунан СӨ Борокуратуурата иһитиннэрдэ. 

Суукка быһаарыллыбытынан, 2025 сылга муус устар ыйга сууттанааччы бииргэ арыгы испит  киһитин икки ардыгар иирсээн тахсыбыт. Дьахтар эмсэҕэлээччини абааһы көрөн, быһаҕынан аллараа сыҥааҕын уонна илиитин  хаста да анньыбыт. Эр киһи ылбыт эчэйиититтэн өлбүт.

Дьахтар эр киһини өлөрөн баран «Honor» суотабай төлөпүөнүн уорбут. Ол кэннэ куоппут.

Суут судаарыстыбаннай буруйдааччы санаатын учуоттаан туран,  дьахтары  7 сыл 6 ыйга хаайыыга уураахтаабыт.

Бириигэбэр сокуоннай күүһүгэр киирэ илик.