Киһини өлөрбүт суоппары 5 сылга хаайдылар

Дьокуускайга киһини түҥнэри көтөн өлөрбүт суоппары суут 5 сылга көҥүлүн быһарга уураахтаата диэн СӨ борокуратуурата иһитиннэрэр.

2023 сыл ахсынньытыгар куорат Марха түөлбэтин Строд уулуссатыгар 37 саастаах суоппар 55 саастаах эр киһини түҥнэри көппүтэ. Эр киһи сонно миэстэтигэр тыына быстыбыта.

Суоппар итирик этэ уонна эмсэҕэлээбит киһиэхэ көмөнү оҥоро сатаабакка, быһылаан буолбут сириттэн куотан хаалбыта.

Кини 5 сылга холуонньаҕа хаайылларга уураахтанна. Маны тэҥэ, суут кинини 2,5 сылга тырааныспары ыытар, салайар үлэнэн дьарыктанар быраабын тохтотто.