Киһини өлөрөн, 7 сылга хаайылынна

Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ буруйданар.

2025 сыл от ыйыгар икки киһи  арыгылаан баран, этиһэн, охсуһан турбуттар. Онуоха биирдэстэрэ быһаҕы ылбыт да, сүрэҕин туһаайыытынан түөскэ анньыбыт. Онтон сылтаан, ол киһи өлбүт.

Онон бу киһи РФ Холуобунай кодексын 105-с ыстатыйатын 1 чааһынан (өлөрүү) сууттаммыта.

Суут судаарыстыбаннай буруйдааччы санаатын учуоттаан, өлөрүөхсүтү 7 сыл 6 ыйга кытаанах эрэсиимнээх холуонньаҕа хаайарга бириигэбэрдээтэ.

Бириигэбэр сокуоннай күүһүгэр киирэ илик.