Киһини өлөрөргө соруммут Мииринэй олохтооҕо тутулунна

Арассыыйа СК СУ Мииринэйдээҕи оройуоннар икки ардыларынааҕы силиэстийэлиир отдела 52 саастаах эр киһиэхэ сыһыаннаах холуобунай дьыаланы силиэстийэлиир. 

Силиэстийэ быһаарбытынан, быйыл бэс ыйын 29 күнүгэр сарсыарда эрдэ Арыылаах сэлиэнньэтигэр баар дьиэ тиэргэнигэр буруйдаах киһи  суол быһылаанын түмүгэр атын суоппар массыынатын алдьатыыттан сибээстээх иирсээн түмүгэр саанан эр киһини түөскэ ыппыт.

Ол эрээри эр киһи кыаҕа баарынан күүскэ утарылаһан, саатын былдьаабыт, онон өлөрөргө соруммута табыллыбатах. Ону тэҥэ суһал мэдиссиинэ көмөтө тута оҥоһуллубут.

Силиэдэбэтэл хадатаайыстыбатынан суутунан буруйдаах киһи хаайыллыбыт.