Киһини өлөрүү, массыынаны күрэтии…

Ааспыт сууккаҕа Саха сиригэр алта  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Сунтаар оройуонугар Дьаархантан 22 км Хомустаах диэн сиргэ  эр киһини өлөрдүлэр. РФ Холуобунай кодексын 105 ыст. 1 чааһынан холуобунай дьыала көбүтүлүннэ. Уорбаланааччы ким буолара билиннэ.

Дьокуускайга уонна Өлүөхүмэҕэ суотабай төлөпүөнү, счеттан харчыны уоруу түбэлтэлэрэ таҕыста.

Киин куоракка  «Ниссан Кадрик» массыынаны күрэтэн бардылар.

Нерюнгри борокуратуурата вахтовай учаастакка  «КамАЗ» массыына сууллуутунан бэрэбиэркэ ыытар.

Хаҥаласка, Аммаҕа икки киһи эчэйиилээх суол быһылааннара таҕыста.