Киһини түҥнэри көтөн баран куоппут суоппары туттулар

Бэҕэһээ, балаҕан ыйын 15  күнүгэр, Дьокуускай куорат Дзержинскай аатынан уулуссаҕа «Архыып»  тохтобул туһаайытынан күөх уокка суолу тураан иһэр киһини «Тойота Ипсум» массыына түҥнэри көтөн баран куота турбут видеота  тарҕанна.

Биһиги тута Дьокуускай куораттааҕы Госавтоиниспиэксийэҕэ сибээскэ тахсан сурастыбыт.  Ол курдук Госавтоиниспиэксийэ үлэһиттэрэ суол быһылааныгар буруйдаах суоппары туппуттарын туһунан иһитиннэрдилэр. Киһини түҥнэри көтөн баран саахал тахсыбыт сириттэн куоппут суоппар Ньурба улууһуттан төрүттээх 43 саастаах эр киһи буолара биллибит. Бу күн кини арыгы иһэн баран уруулга олорбута чопчуланна. Быһылаанынан административнай силиэстийэлээһин үлэтэ тэрилиннэ. Госавтоиниспиэксийэ бэлиэтииринэн, суол быһылаана тахсыбыт сириттэн куотуу иһин суоппар массыына ыытар бырааба биир сылтан балтараа сылга диэри быһыллыан, ону сэргэ 15 cууккаҕа хаайыллыан сөп.