Киһини уоруунан уонна массыынаны күрэтиинэн тэриллибит холуобунай дьыаланы силиэстийэлээһин түмүктэннэ

Арассыыйа СК  Саха Өрөспүүбүлүкэтигэр СУ Ленскэй оройуонун силиэстийэлиир отдела Ленскэй оройуон икки олохтооҕун РФ ХК 126 ыст. 2 ч. “а, в,г” п.п. көрүллүбүт буруйу оҥорууларынан, РФ ХК 166 ыст 4 ч.  холуобунай дьыаланы силиэстийэлээһини түмүктээтэ.

Маны тэҥэ кинилэртэн биирдэстэрин өлөрүүнэн куттаабытын иһин (РФ ХК 119 ыст. 1 ч.) уонна РФ ХК 122 ыст. 1 ч. (сааны-сэби уонна боеприпастары көҥүлэ суох ылыы, илдьэ сылдьыы уонна харайыы) буруйга тартылар.

Силиэстийэ кэмигэр биллибитинэн, 2025 сыл кулун тутар 29 күнүттэн 31 күнүгэр диэри буруйдаахтар, эрдэттэн сүбэлэһэн, урукку иирсээннэригэр олоҕуран Ленскэй куоракка Новосибирскай уулуссаҕа баар  дьиэ тиэргэнигэр 35 саастаах киһиэхэ саба түспүттэр. Ол кэмҥэ ити киһи массыынатын иһигэр баар эбит.

Буруйдаахтар бэйэлэрин икки  ардыгар тугу гыныахтаахтарыгар оруолларын үллэстэн, күүстэринэн солуоҥҥа киирбиттэр, эмсэҕэлээбит киһини туппуттар, күүстэринэн өттөйбүттэр. Массыыналаах киһилэрин кэнники олбоххо көһөрбүттэр, оттон саба түһээччилэртэн биирдэстэрэ массыынаны бас билээччи атаҕын травматическай бэстилиэтинэн ытан бааһырдыбыт.

Онтон буруйдаахтар массыынаны күрэтэн, эр киһини куорат таһыгар дьон сылдьыбат сиригэр илдьэн, кырбаабыттар уонна өлөрүөхпүт диэн сааммыттар.

Дьэ, ол кэнниттэн киһилэрэ утарсар кыаҕа суох буолбутун туһанан күрэппит массыыналарынан Иркутскай уобалас диэки айаннаабыттар. Онно кинилэри Саха Өрөспүүбүлүкэтин Ленскэй оройуонун уонна Иркутскай уобалас быраабы араҥаччылыыр уорганнарын сотрудниктара Братскай — Уус Кут  тыраассатыгар бу дьыл кулун тутар 31 күнүгэр туппуттар.

Холуобунай дьыаланы силиэстийэлээһин түмүктэннэ. Суукка көрүүгэ барда.