Киин куорат олохтоохторун босхо чинчийии ааһалларыгар ыҥыраллар

Бүгүн, атырдьах ыйын 15 күнүгэр, киин куорат олохтоохторун уонна ыалдьыттарын гепатит ыарыытыгар босхо чинчийиини ааһарга ыҥыраллар.

Киин куорат «СПИД киинэ» куорат олохтоохторун уонна ыалдьыттарын баҕа өттүнэн ВИЧ, В,С гепатит, сифилис, сэллик ыарыыларыгар  босхо экспресс-тестирование ааһалларыгар ыҥырар. Быраастар сарсыарда  10:00 чаастан күнүс 15: 00 чааска диэри Комсомол болуоссакка күүтэллэр. Бу туһунан Доруобуйа харыстыбалын министиэристибэтэ иһитиннэрэр.

Экспресс-тестэри 4 көлүөнэ тестэринэн ыыталлар, бу ыарыыны 96 %-тан тахса бырыһыанынан чуолкайдык быһаарар. Түмүгү кэтэһии бириэмэтэ  — 10-15 мүнүүтэ. Экспресс-тестирование түмүгүн тус биирдии киһиэхэ бэйэтигэр тиэрдэллэр. Хас биирдии киһиэхэ көмүскэл маллара, ону тэҥэ ВИЧ инфекция уонна вируснай гепатит туһунан сэрэтэр буклеттар бэриллэр. «СПИД киин»  Дьокуускай к., Стадухин аатынан уулусса, 81/8 дь. аадырыһынан үлэлиир. Билсэр төл.: 8 (4112) 31-93-97.