Киин баан чэпчэки ыстаапкалаах ипотеканы тохтотор санаалаах

Билигин чэпчэки ыстаапкалаах ипотека дойду үрдүнэн элбэх. Итини барытын Киин Баан тохтотор санаалаах. Бу туһунан Госдуумаҕа Эльвира Набиуллина иһитиннэрдэ.

«Ипотекаҕа киһини тардар чэпчэки ыстаапкалаах бырагаарама элбэх эрээри, тиһэҕэр кыбартыыра сыанатын үрдэтиигэ тиэрдэллэр. Онон биһиги ити схемалары тохтотуохпутун баҕарабыт. Ипотекаҕа саҥа стандарт үлэтин саҕалаата. Бааннарынан хайдах бу сорудаҕы толороллорун болҕомтолоохтук көрүөхпүт», — диэтэ кини.

Набиуллина бааннар стандарты толорбот түгэннэригэр, Киин баан Госдуумаҕа кытаанах миэрэлэри ыларга этиилээх тахсарын бэлиэтээтэ.