Киин Баан сүрүн ыстаапканы 18%-ҥа диэри түһэрдэ

Киин баан дириэктэрдэрин сэбиэтэ от ыйын 25 күнүгэр  сүрүн ыстаапканы сылга 18%-ҥа диэри түһэрэргэ быһаарынна.

Бу харчы-кирэдьиит бэлиитикэтин субуруччу иккис сымнатыыта буолар: бэс ыйынааҕы ааспыт мунньахха регулятор ыстаапканы 21%-тан 20%-ҥа диэри түһэрбитэ. Инфляция баттааһына сабаҕаламмытыттан, ыстаапка түргэнник намтыыр, диэн Киин Баан иһитиннэриитигэр этиллэр.

От ыйын 21 күнүнээҕи сыанабылынан, сыллааҕы инфляция 9,2%-ҥа тэҥнэстэ. Арассыыйа Баана инфляцияны кэлэр сылга ылыныллыбыт сыалга төннөрөр туһугар маннык харчы-кирэдьиит усулуобуйаларын өйүөҕэ диэн регулятор чуолкайдаата. Сүрүн сценарийынан сүрүн ыстаапка быйыл 18,8–19,6% кэриҥэр, оттон 2026 сылга 12–13% таһымыгар буолуоҕа. Регулятор сабаҕалааһынынан, сыллааҕы инфляция быйыл 6–7% диэри намтыаҕа уонна 2026 сылга 4% сыалга төннүөҕэ. Киин Баан Дириэктэрдэрин сэбиэтин аныгыскы мунньаҕа балаҕан ыйын 12 күнүгэр былааннанар.