Киин Баан сүрүн ыстаапканы 21%-нан оннунан хаалларда

Маннык быһаарыыны Киин баан Үп-харчы бэлиитикэтин боппуруостарыгар дириэктэрдэр Сэбиэттэрин мунньаҕар ылылыннылар. Ол туһунан Киин баан пресс-сулууспата иһитиннэрдэ.

Санатан эттэххэ, 2024 сыл сайыныттан саҕалаан сүрүн ыстаапка үрдэтиллэн барбыта. От ыйыттан 16-тан 18 %-ҥа диэри уларыйбыта, онтон балаҕан ыйыгар – 19%, алтынньыга – 21% буолбута. Кэлин Киин баан бу ыстаапканы ити таһымҥа хас да төгүл оннунан хаалларбыта.

«Арассыыйа баанын сылыктыырынан, сыллааҕы үп- харчы-кирэдьиит бэлиитикэтин ыытар үлэтинэн сыллааҕы инфляция таһыма 7-8%-гар диэри түһэрэ күүтүллэр, 2026 сылга — 4% уонна инники сылларга хамсыа суоҕа», – диэн Киин баан саайта суруйар.

Сүрүн ыстаапка баан кирэдьиитин ыстаапкатын кээмэйэ уонна инфляция таһыма үрдүүрүгэр дьайар. Аныгыскы мунньах бэс ыйын 6 күнүгэр ыытыллыаҕа.