Киин болуоссакка Саҥа дьыллааҕы харыйа турда

Сэтинньи ортолоон, Саҥа дьылга бэлэмнэнии саҕаланна.

Маҕаһыыннарга, ырыынактарга күүтүүлээх аптаах бырааһынньык сүрүн бэлиэлэрэ — оҥоһуу харыйа арааһа, күлүмүрдэс оонньуурдар, бэлэх эгэлгэтэ номнуо атыыга таҕыста. Саҥа дьылы көрсө куораппыт болуоссаттарыгар, бөдөҥ тэрилтэлэр аттыларыгар Саҥа дьыллааҕы харыйалары туруоран эрэллэр.

Орджоникидзе болуоссатыгар «куорат харыйата» номнуо бэлэм. Киэргэнэрэ эрэ хаалла. Оттон бүгүн Саҥа дьыллааҕы харыйа өрөспүүбүлүкэ киин болуоссатыгар турда. Сарсыҥҥыттан ыла киэргэтэн барыахтара. Икки нэдиэлэнэн «Кыһын Саха сириттэн саҕаланар» үгэс буолбут бэстибээл үгүс дьону түмүөҕэ.

Саҥа дьыл тыына билиннэ…