СӨ Киин быыбардыыр хамыыһыйатын хаартыскалара
Бэҕэһээ, ахсынньы 14 күнүгэр, Саха Өрөспүүбүлүкэтин Киин быыбардыыр хамыыһыйата РФ Конституциятын уонна Арассыыйа быыбардыыр тиһигин 30 сылыгар анаммыт суруналыыстарга уонна блогердарга, уопсастыбаннай актыбыыстарга анаан пресс-экскурсия тэрийэн ыытта.
Тэрээһин саҕаланыытыгар СӨ Киин быыбардыыр хамыыһыйатын бэрэссэдээтэлэ Евгений Федоров кэлэр сылга буолуохтаах Арассыыйа Бэрэсидьиэнин быыбарын уратытын уонна быыбардыыр хампаанньа сүрүн түһүмэхтэрин туһунан кэпсээтэ. Быыбарга бэлэмнэнии утумнаахтык уонна тиһигин быспакка бара турар. Быйылгы быыбар хампаанньатын уратыта – быыбар уустук геополитическай быһыы-майгы усулуобуйатыгар ыытыллара буолар.
Быыбар төһө кыалларынан аһаҕастык, чиэһинэйдик, сокуон быһыытынан куоластааһын бары процедураларын тутуһан барарыгар ураты болҕомто ууруллар. Суруналыыстар уонна блогердар ыйытыыларыгар Евгений Федоров сиһилии хоруйдары биэрдэ.
Оттон хамыыһыйа чилиэннэрэ уонна үлэһиттэрэ быыбар тиһигин туһунан кэпсээтилэр, экскурсияҕа Арассыыйа Киин быыбардыыр хамыыһыйатын сибээһин тиһигин, Саха сирин Киин быыбардыыр хамыыһыйатын үлэтин-хамнаһын уонна быыбар хамыыһыйатын тиһигин туһунан кэпсиир истиэндэни көрдөрдүлэр.
Көрсүһүү иккис чааһа хамыыһыйа мунньахтыыр саалатыгар ыытылынна. Суруналыыстар уонна блогердар дьыалабыай оонньуу быһыытынан, «Выборы» ГАС тиһигин кытары билистилэр. Хас биирдии кыттааччы бэйэтин хандьыдаат, ол кэнниттэн учаастактааҕы быыбардыыр хамыыһыйа чилиэнин оруолугар холонон анал бырагыраамаҕа үлэлээн көрдө. Маны барытын Информационнай киин салайааччыта Михаил Неймохов уонна хамыыһыйа сэкирэтээрэ Алла Самойлова ыйан-кэрдэн, көрдөрөн биэрдилэр.
Ол кэнниттэн кыттааччылар бары КОИБ-2017 электроннай урнаны туһанан куоластаан көрдүлэр, КОИБ хайдах үлэлиирин кытары билистилэр. Бу тиһиги быыбар хамыыһыйалара үлэлэригэр хайдах туһаналларын туһунан Дьокуускай куораттааҕы территориятааҕы быыбардыыр хамыыһыйа системнай администратора Максим Оконешников быһаарда.
Суруналыыстар уонна блогердар өттүлэриттэн олус элбэх ыйытыы турда, онно сөптөөх хоруй бэрилиннэ. Тэрээһин түмүгүнэн Конституция уонна быыбар тиһигин күнүгэр аналлаах викторина ыытылынна. Кыттааччылар маннык көрсүһүүлэр туһалаахтарын уонна интэриэһинэйдэрин бэлиэтээн тураннар, инникитин даҕаны тэрээһиҥҥэ кыттар баҕалаахтарын биллэрдилэр.
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…
Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу салаа фундаментальнай сыаннастарын дьүүллэстилэр.…
Күн-дьыл туруга бу күннэргэ хайдаҕый? Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…