Хаартыска: куйаар аһаҕас ситимиттэн
Уһук Илин ФУо сыыппара эйгэтигэр буруйу оҥорууттан эмсэҕэлээбит олохтоохтор исписэлиистэр босхо көмөлөрүнэн туһаныахтара. Кинилэр Сыыппара эйгэтигэр гражданнарга быраап өттүнэн көмөлөһөр кииҥҥэ тиийиэхтэрин сөп.
Дьон бу кииҥҥэ эрийэн юристар көмөлөрүгэр наадыйалларын этэллэр. Свободнай куораттан Екатерина М. быйыл муус устар ыйга сайабылыанньа киллэрбитэ. Уоруйахтар дьахтартан үлэҕэ ылабыт диэн албыннаан бэйэтин туһунан чахчылары ылан, Екатерина аатынан 75 тыһ. солкуобай суумаҕа уон иэһи толотторбуттар. Кини бастаан харчы иэстиир тэрилтэлэргэ сылдьан иэһин сотторо сатаабыт да, кыаллыбатах. Билигин Киин юристара оҥоһуллубут дуогабардар түөкүннүүр сыаллаах оҥоһуллубуттарын дакаастаары матырыйаал хомуйаллар.
Исписэлиистэр маннык дьыалаларга үгүстүк кыайбыттара, онон эмсэҕэлээбит дьонтон кирэдьиити төлүүр эбээһинэстэрин соттороллорун сэргэ кинилэргэ толуйуу төлөттөрбүттэрэ. Холобур, Киин үлэһиттэрэ «Госуслуги» порталга тус кэбиниэтин алдьатан, Москва олохтооҕо Александр Н. диэн киһиттэн (аата уларыйда) кини тус чахчыларын уоран ылан, ол көмөтүнэн бу киһи аатыгар биэс үп-харчы тэрилтэтигэр 5 дуогабары 56 тыһ. солкуобайга толотторбуттар.
Юристар бары наадалаах докумуоннары хомуйан, түөкүттэртэн эмсэҕэлээбит киһини көмүскээбиттэр. Суут дуогабардары дьиҥэ суохтарынан билиммит, харчы биэрэр тэрилтэлэртэн толуйууну ирдээбит. Киин юристара киһи өйүгэр-санаатыгар, олоҕор-дьаһаҕар буортуну оҥоруу иһин ирдээн ылбыт толуйууларын улахан суумата – 150 тыһыынча солкуобай. Ону 2023 сылга Санкт Петербург куораттан сыыппара түөкүттэриттэн төлөттөрбүттэр.
Онлайн-түөкүннээһини тэҥэ Кииҥҥэ интэриниэккэ тус чахчылары уонна киһи көҥүлэ суох хаартысканы, видеону тарҕатыы буолла. Быйыл юристартан бу боппуруоһунан 3 тыһ. киһи көмө көрдөстө. Маныаха Уһук Илин сорох олохтоохторо идэтийбит исписэлиистэртэн көмө көрдүүрү билбэттэр.
Сыыппара эйгэтигэр гражданнарга быраап өттүнэн көмөлөһөр киин 2021 сылга Роскомнадзор көҕүлээһининэн тэриллибитэ. Киин юристара дьоҥҥо суут иннинэ уонна суут бэрээдэгинэн кыһалҕаларын быһаарарга көмөлөһөллөр, дакаастабылы суһаллык хомуйаллар, кэһиллибит быраабы чөлүгэр түһэриигэ ирдэбили түһэрэллэр.
Исписэлиистэр босхо көмөлөрүн маннык аадырыстан ыйытыахтарын сөп: https://4people.grfc.ru/, +7 (499) 550-80-03 төл. нүөмэргэ эрийэн; буостаҕа суруйуҥ: 4people@grfc.ru.
Киин 2023 сыллааҕы үлэтин туһунан маннык ссылканан киирэн ааҕыҥ: https://4people.grfc.ru/wp-content/uploads/2024/01/Публичный-отчет-о-деятельности-за-2023-год.pdf
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…