Киин куоракка 107 кылааска үөрэх тохтоон турар

Дьокуускай куорат дьаһалтатын планеркатыгар  иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй харантыыҥҥа барбыт.

Маны таһынан, 29 оскуолаҕа 107 кылааска   быстах кэмҥэ хааччахтааһын биллэриллибит. Итиэннэ 8 уһуйааҥҥа 10 харантыыҥҥа бөлөх сабыллыбыт.

Санитарнай нуормаҕа олоҕуран, өскөтүн биир кылааска эбэтэр бөлөххө 20 %-тан тахса оҕо ыалдьан кэлбэтэх түгэнигэр, үөрэҕи тохтотор туһунан быһаарыы ылыллар.