ВИДЕО: Киин куоракка 15 саастаах оҕону түҥнэри көппүттэр

Тохсунньу 13 күнүгэр күнүс 15.00 чаас саҕана Тимирязев аатынан уулусса 60№-дээх дьиэтин аттыгар 27 саастаах суоппар Тойота Филдер массыынанан сокуоннай сааһын ситэ илик оҕону түҥнэри көппүт.

Бу туһунан Госавтоинспекция пресс-сулууспата суруйар. Оҕо көҥүлэ суох сиринэн суолу туораан испитэ быһаарылынна. 15 саастаах уолу балыыһаҕа киллэрдилэр, тааһын уҥуоҕун тоһуппут, төбөтүн эчэппит. Суол быһылаана тахсыбыт сиригэр Госавтоинспекция үлэһиттэрэ уонна силиэстийэлиир-суһал бөлөҕө үлэлээтилэр. Быһылаан тахсыбыт төрүөтэ быһаарыллар.