Киин куоракка 39 саастаах дьахтар баан каартатыттан харчы уорбут

ИДьМ 3 №-дээх полиция отделыгар эр киһи аатыгар микрозайм ылбыттарын уонна баан каартатыттан харчы уорбуттарын туһунан сайабалыанньа суруйбут.

Бу чахчынан холуобунай ирдэбил үлэһиттэрэ 39 саастаах уорбаланааччы дьахтары туттулар. Силиэстийэ быһаарбытынан, дьахтар эр киһи билбэтинэ мобильнай төлөпүөнүгэр киирэн 17 600 солк. суумалаах микрозайм ылбыт уонна баан каартатыттан харчы уорбут.  Ол эрээри, микрозайм толору суума харчытын туһамматах, эр киһи урукку иэһин суотугар харчы сорох сууматын тутан ылбыттара билиннэ. Онон дьахтар уопсайа арыгы атыылаһарга 1400 солк. ороскуоттаабыт. Холуобунай дьыала тэрилиннэ. Хоромньу суумата төннөрүлүннэ. Бу туһунан ИДьМ пресс-сулууспата иһитиннэрэр.