Киин куоракка 46 саастаах суоппар ЛЭП баҕанатыгар кэтиллибит

Алтынньы 4 күнүгэр сарсыарда эрдэ  ГАИ сулууспатыгар киин куорат Сэргэлээхтиир шоссе 11 км суол быһылаана тахсыбытын туһунан иһитиннэрии киирбит.

Госавтоинспекция үлэһиттэрэ быһаарбыттарынан, 46 саастаах эр киһи «Toyota Corona» массыынанан  Сэргэлээхтиир шоссеҕа  Рассветная уулуссаттан Билибина уулусса диэкки түргэн тэтимнээхтик айаннаан иһэн  суолтан туораабыт уонна ЛЭП баҕанатыгар кэтиллибит.

Саахал түмүгэр эчэйбит суоппары уонна пассажиры балыыһаҕа киллэрбиттэр. Эр киһи арыгы туругун бэрэбиэркэлээһинтэн аккаастаммыт, онно сыһыаннаан административнай матырыйаал оҥоһуллубут. Бу туһунан Госавтоинспекция пресс-сулууспата суруйар.