Саха сиригэр аан-даам тымныы уҕарыыр

Саха сирин кэккэ оройуоннарынан уонна киин куоракка аан-даам тымныы уҕарыыр. Хонон турдах ахсын халлаан сылыйан эрэрэ, күн уһуура биллэр буолан иһэр. 

Тохсунньу 10 күнүгэр Саха сиригэр соҕуруулуу-арҕаа уонна арҕаа өттүгэр -15С кыраадыска диэри тымныйара күүтүллэр. Оттон соҕуруулуу-арҕаа уонна арҕаа оройуоннарынан -20… -25 кыраадыс буолуо, күнүс -15…-20С кыраадыска диэри тымныйара сабаҕаланар. Бу туһунан УГМС саайта иһитиннэрэр. Киин улуустарынан түүн салгын температура -29…-34С буолуо, Өлүөнэ өрүс уҥуоргу оройуоннарынан -34… -39С, күнүс  салгын температурата -22…-27С уонна -28 ….-33С.

Өймөкөөҥҥө түүн -40С кыраадыска диэри тымныйар, күнүс салгын температурата нуорматтан 5 кыраадыс үрдүк буолуо.

Хотугулуу-илин, киин оройуоннарга, хотугулуу-арҕаа, арҕаа, соҕуруулуу- арҕаа өттүгэр хаар түһэрэ күүтүллэр. Анаабыр уонна Булуҥ оройуоннарыгар 15-20 м. түргэннээх күүстээх тыаллаах.

Дьокуускайга салгын температурата түүн  -30….-32С, күнүс -26….-28С тымныы буолара сабаҕаланар уонна кыра хаар түһэрэ күүтүллэр.