Хаартыска: sakha.gov.ru
Бүгүн, бэс ыйын 12 күнүгэр, Арассыыйа күнүгэр киин куорат Орджоникидзе аатынан болуоссакка «Арассыыйа – бу биһиги!» үөрүүлээх тэрээһин ыытылынна.
Өрөспүүбүлүкэ салалтатын аатыттан киин куорат олохтоохторун Саха Өрөспүүбүлүкэтин Бырабыыталыстыбатын бэрэссэдээтэлэ Кирилл Бычков эҕэрдэлээтэ.
«Бүгүн биһиги дойдубут кыраныыссатын, кирбиилэрин көмүскүүр дьоруойдарбытын — биһиги көҥүлбүт, тутулуга суох буолуубут чиэһин көмүскүүр дьоммутун ахтабыт. Бүгүн — биһиги судаарыстыбабыт сүҥкэн суолталаах күнэ! Бу бырааһынньык күнэ сокуоҥҥа уонна сиэрдээх майгыга олоҕуран, көҥүллээх уонна түмсүүлээх буолуу бэлиэтин көрдөрөр. Арассыыйа хас биирдиибит тэбэр сүрэҕэ. Бу улуу дойдубут култууратынан, үгэстэринэн уонна ситиһиилэринэн толору баай. Ону кытта, бастатан туран, Арассыыйа диэн бу биһиги дьоммут-сэргэбит», — диэтэ Кирилл Бычков.
Тэрээһиҥҥэ Ил Түмэн бэрэссэдээтэлэ Алексей Еремеев, Дьокуускай куорат баһылыга Евгений Григорьев, Уһук Илин федеральнай уокурукка саҥа бырайыактары олоххо киллэриигэ стратегическай көҕүлээһин ааҕыныстыба салайааччыта Ольга Курилова, Дьокуускай куорат Дууматын бэрэссэдээтэлэ Альберт Семенов кытыннылар.
Бырааһынньык күн Бүтүн Арассыыйатааҕы «Арассыыйа аҕалара» уопсастыбаннай хамсааһын «Саллаат аҕата» бэлиэтэ, «Юнармейскай килбиэн» түөскэ кэтиллэр бэлиэтэ, «Гражданскай килбиэн» туйгун бэлиэтэ, Саха сирин Бырабыыталыстыбатын махтал суруктара, ЛНӨ баһылыгын махтал суруктара туттарылыннылар. Ону кытта Саха сирин уонна Бүтүн Арассыыйатааҕы олимпиадалар, успуорт куонкурустарын призердарыгар, үөрэҕирии туйгуннарыгар, оҕо хамсааһынын көхтөөх чилиэттэригэр РФ гражданинын паспордарын туттарыы үөрүүлээх сиэрэ-туома буолла.
Биллэрин курдук, саха норуотун чулуу уола Алексей Елисеевич Кулаковскай- Өксөкүлээх Өлөксөй киһи уонна гражданин быһыытынан…
Ил Дархан Айсен Николаев Нерюнгригэ оробуочай сырыытын кэмигэр 2025 сылга ыытыллыахтаах Олоҥхо ыһыаҕар бэлэмнэнии боппуруостарын…
Бүгүн Ил Дархан Айсен Николаев оробуочай сырыынан Нерюнгри оройуонугар тиийдэ. Тута үөрэх эбийиэктэригэр сылдьан, …
Бу күннэргэ социальнай ситимнэргэ ыччаттар хас да буолан биир эдэр киһини сидьиҥник кырбыыр, тэбиэлиир видеолара…
Сайын саҕаланна да, кый ыраах олорор дьон быһыытынан ханна эрэ ичигэс сиргэ күүлэйдии барыах баҕа…
Быйыл Нам улууһун оскуолаларын 228 оҕо бүтэрдэ. Нам киинигэр М.К. Аммосов болуоссатыгар оскуоланы кыһыл уонна…