Киин куоракка балаҕан ыйыгар БПЛА-ны туһаныы быстах кэмҥэ бобуллар

Дьокуускайга пилота суох көтөр аппарааттары туһаныыны быстах кэмҥэ бобуохтара. Хааччахтааһыннары балаҕан ыйыгар араас күннэргэ киллэриэхтэрэ. Бу Билии күнүнэн уонна Куорат күнүнэн сибээстээх.

Дроннары туһаныы уонна көтүтүү бобуута Билии күнүгэр аналлаах тэрээһиннэринэн сибээстээн, балаҕан ыйын 1 күнүгэр күүһүгэр киириэҕэ. Ону таһынан, Куорат күнүнэн сибээстээн, хааччахтааһын 13 уонна 14 чыыһылаларга киллэриллиэҕэ. Бобуу аккредитациялаах СМИ-лэри таарыйыа суоҕа.

«Бу күннэргэ быраабы араҥаччылыыр уорганнар куораттааҕы уокурук сиригэр-уотугар пилота суох көтөр аппарааттары туһаныыны хонтуруоллуохтара», – диэн Дьокуускай куорат мэриятыгар иһитиннэрдилэр.