Хаартыска: Гоставтоинспекция пресс-сулууспата
Дьокуускай куорат Гоставтоинспекцията итирик суоппардар буруйдарынан тахсыбыт 5 суол быһылаанын регистрациялаабытын туһунан иһитиннэрдэ. Биэдэмистибэ иһитиннэрэринэн, суох саахаллара бары биир нэдиэлэ устата бэлиэтэммиттэр.
Муус устар 7 күнүгэр Эргэ Покровскай тракт уонна Николай Антонов аатынан уулуссалар быһа охсуһуутугар 36 саастаах суоппар «Toyota Ist» массыынанан «Jeep Grand Cherokee» массыынаны кытта харсыспыт. Бэрэбиэркэ 0,85 мг/л этанолы көрдөрбүт, онон суоппар итирик туруктаах сылдьыбыта билиннэ.
Муус устар 11 күнүгэр киэһэ Усть-Мархинка аатынан уулусса 33Б №-дээх дьиэтин аттыгар 26 саастаах суоппар «Toyota Raize« массыынанан туораан биэрбэтэх уонна «Toyota Estima» массыынаны кытта харсыспыт. Госавтоинспекция үлэһиттэрэ «Toyota Estima» суоппара итиригин быһаарбыттар. Бэрэбиэркэҕэ 0,61 мг/л этанола булуллубут.
Өссө биир суол быһылаана муус устар 11 күнүгэр Петр Алексеев аатынан уулуссаҕа тахсыбыт. Онно 36 саастаах суоппар Лермонтов өттүттэн айаннаан иһэн дистанцияны тутуспакка «Subaru Levorg» массыынанан иннигэр айаннаан иһэр «Toyota Premio» массыынаҕа кэтиллибит. Оттон салгыы «Toyota Premio» массыына халтарытан «Corolla Axio» массыынаны саайбыт. Түмүгэр икки массыына алдьаммыт. Суоппар арыгы испитэ көстөрүн үрдүнэн, бэрэбиэркэттэн аккаастаммыт.
Эмиэ бу күн Дзержинскай уулуссаҕа 34 саастаах суоппар «Toyota Corolla Fielder» массыынанан Лермонтов өттүттэн айаннаан иһэн «Nissan Note» массыынаны таарыйбыт, оттон ПАЗ оптуобуска кэтиллибит.
Муус устар 12 күнүгэр сарсыарда 25 саастаах суоппар Дзержинскай уулусса 76 №-дээх дьиэтин таһыгар «Toyota Land Cruiser» массыынанан «Toyota Corolla» массыынаны таарыйбыт.
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…