Киин куоракка Бүлүүлүүр суолга биир күн иһигэр үс суол быһылаана таҕыста

Бэҕэһээ, олунньу 7 күнүгэр, Дьокуускай куоракка Бүлүүлүүр суолга 3 суол быһылаана таҕыста. Бу туһунан куорат Госавтоиниспиэксийэтэ иһитиннэрдэ.

Бүлүүлүүр суол 3 км барылаан заправка таһыгар,   Тойота Камри суоппара иннигэр  баран иһэр  массыынаҕа баран түһүмээри, утары балаһаҕа тахсан «Honda Civic» массыынаны кытта харсыспыт.

Аны Бүлүүлүүр суол 7 км үс массыына харсыспыт.  Барыллааһын быһыытынан  «Хонда» массыына суолга тахсыыга Объездной шоссе өттүттэн иһэр  оптуобуска суолу биэрбэтэх.  Инньэ гынан оптуобуска сааллан утары балаһаҕа тахсан, «FAW» самосвалга түспүт.

Эмиэ Бүлүүлүүр суолга үөһээ тахсыыга  «Тойота Виш» Дьокуускай өттүттэн айаннаан иһэн, иннигэр баран иһэр массыынаны ситээри, утары тахсан оптуобуһу кытта харсыспыт.