Хаартыска: А.Сорокин (СИА)
Бүгүн, сэтинньи 4 күнүгэр, дойдуга барытыгар Норуот сомоҕолоһуутун күнэ бэлиэтэнэр.
Дьокуускайга Доҕордоһуу болуоссатыгар ыытыллыбыт бырааһынньыктааҕы миитиҥҥэ норуоттар общиналарын бэрэстэбиитэллэрэ, бырабыыталыстыба чилиэннэрэ, куорат салалтата уонна киин куорат ыччата кытыннылар.
Билигин Саха Өрөспүүбүлүкэтигэр 130-тан тахса омук бэрэстэбиитэллэрэ иллээхтик-эйэлээхтик олороллор, бэйэлэрин култуураларын уонна үгэстэрин харыстаан илдьэ сылдьаллар, атын норуоттар бэрэстэбиитэллэрин кытары чугастык алтыһаллар.
«Бу бырааһынньык биһиги дойдубутугар патриотизм, сомоҕолоһуу күнүн быһыытынан бэлиэтэнэр. Сомоҕолоһуу биһиги күүспүтүнэн буоларын мэлдьи өйдүөхтээхпит. Саха сирэ 130-тан тахса норуот, итэҕэл конфессиялара уонна бары норуоттар иллээхтик, доҕордуу сыһыаннаах олороллорунан уһулуччулаах холобурунан буолар. Биһиги -– улуу Арассыыйа сорҕотобут. Дойдубут саамай элбэх омуктаах, күүстээх уонна эйэлээх. Биһиги бэйэ-бэйэбитин убаастаан, доҕордоһон уонна бэйэ-бэйэбитин таптаан, улахан ситиһиилэрдээхпит. Ити билигин, чуолаан дойдубут төһө тирэхтээҕэ, кытаанаҕа бэрэбиэркэлэнэр кэмигэр, ордук суолталаах», -– диэн Саха сирин бырабыыталыстыбатын бэрэссэдээтэлэ Кирилл Бычков бэлиэтээн эттэ.
Миитин түмүктэнэригэр ыччат флешмоб оҥорон, сүрэх быһыытын көрдөрдө. Бу күн өссө куорат уулуссаларыгар массыынанан сүүрүү тэрилиннэ.
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…
"Михаил Ефимович Николаев: вклад в государственную семейную политику Российской Федерации" диэн кинигэ сүрэхтэниитэ бүгүн, ыам…
Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…
Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…
Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…
2021 сылтан Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар. Аахсыйа чэрчитинэн…