Киин куоракка дьахтар билэр киһитин быһаҕынан анньан өлөрбүт

Өрөспүүбүлүкэҕэ 7 буруйу оҥоруу бэлиэтэннэ. Бу туһунан СӨ Борокуратууратын пресс-сулууспата сулуйар.

Дьокуускайга Киренскэй уулуссатын биир дьиэтигэр 1986 с.т. эр киһини өлөрбүттэр, уорбаланааччы быһаарыллыбыт.

Дьокуускайга Якутская уулуссаҕа баар дьиэҕэ быһаҕынан анньыллыбыт 1981 с.т. эр киһи өлүгэ көстүбүт. Уорбаланааччы дьахтар  быһаарыллыбыт.

Икки эр киһи доруобуйатыгар ыар эчэтии оҥоһуллубут, биирдэстэрэ Три сосны уулуссаҕа баар дьиэттэн, иккиһэ Дьокуускай куорат Бүлүү переулоктан балыыһаҕа киирбиттэр.

Киин куоракка уонна Хаҥалас улууһугар түөкүннээһин туһунан сайабылыанньалар киирдилэр. Онно «Росфинмониторинг» уонна суотабай сибээс операторын сымыйа үлэһиттэрин ааттарыттан эрийэр ньымаларынан 1968 с.т. биэнсийэлээхтэн 1 834 000 солк., оттон 2000 с.т. үлэтэ суох дьахтартан 300 000 солк. албыннаан уорбуттар.

Ону таһынан Дьокуускайга бэлисипиэт уоруутун туһунан иһитиннэрии киирдэ. Киһи өлүлээх суол быһылаана бэлиэтэммэтэ. Суукка иһигэр итирик туруктаах тырааныспарынан салайбыт 18 суоппар тутулунна.