Киин куоракка дьахтар тэлэбииһэр уорууга уорбаланар

ИДьМ сулууспатын Дьокуускайдааҕы 4 №-дээх полиция отделын дьуһуурунай чааһыгар Дьокуускай куорат олохтооҕо тэлэбииһэрин уорбуттарын туһунан биллэрбит.  

Холуобунай ирдэбил үлэһиттэрэ суһал-ирдиир дьаһалларынан 49 саастаах дьахтары туппуттар.

Силиэстийэ быһаарыытынан дьахтар сайабалыанньаны биэрээччини кытта кыбартыыратыгар арыгы испиттэр. Эр киһи итирэн утуйбутун кэннэ, дьахтар кыбартыыраттан тэлэбиисэри илдьэ тахсыбыт. Хара санаалаах дьахтар уорбут сыаналаах малы атыылаабыт уонна харчыны барытын арыгы, ону таһынан бородуукта атыылаһарга туһаммыт. Холуобунай дьыала тэрилиннэ. Дьахтар 5 сылга диэри болдьоххо көҥүлэ быһыллыан сөп. Бу туһунан ИДьМ пресс-сулууспата суруйар.