Киин куоракка эр киһи автосервистан массыынаны күрэппит

Дьокуускай куорат боокуратуурата 38 саастаах олохтоох эр киһи холуобунай дьыалатыгар буруйдуур быһаарыытын бигэргэттэ. СӨ Борокуратууратын иһитиннэриитинэн, кини РФ ХК 1 ч. 166 ыст. буруйданна.

Холуобунай дьыала матырыйаалларынан, эр киһи, икки нэдиэлэ устата «Toyota Mark Х» мааркалаах массыынаны автосервистан күрэтэн, Дьокуускай куорат устун хатааһылыы сылдьан тутуллубут.

Бас билээччи тырааныспарын күрэппиттэрин туһунан быраабы араҥаччылааһын уорганнартан административнай ыстарааптар киирбиттэрин кэннэ билбит. Холуобунай дьыала суу көрүүтүгэр ыытылынна. Буруйданааччы 5 сылга диэри көҥүлэ быһыллыан сөп.