Киин куоракка эр киһи куортамнаабыт кыбартыыратыттан малы-салы атыылаабыт

Дьокуускайдааҕы куорат суута атын киһи малын-суолун уоран атыылааһыҥҥа холуобунай дьыаланы көрдө.

Дьокуускайдааҕы куорат суутуну иһитиннэриитинэн, сууттанааччы Дьокуускай куорат Петровскай аатынан уулусса дьиэтигэр кыбартыыра куортамнаабыт. Куортамнаабыт кыбартыыра иһигэр дуогабарынан эр киһиэхэ баар дьиэ-уот малыгар-салыгар, микроволновай оһоххо,тэлэбииһэргэ эппиэтинэс сүктэриллибит.

Ол эрээри, былырыын балаҕан ыйын 14 күнүгэр кыбартыыра бас билээччитэ билбэтинэн туһанан, эр киһи комисионнай маҕаһыыҥҥа бастаан тэлэбииһэри, оттон ахсынньы 26 күнүгэр микроволновай оһоҕу туттарбыт. Харчыны бэйэтэ билэринэн туһаммыт. Суут кэмигэр эр киһи буруйун билиннэ уонна хоромньуну сууматын төлөөтө.

Дьокуускай куорат суутун бириигэбэринэн эр киһи буруйу оҥорууга буруйдааҕынан ааҕылынна уонна 230 чаастаах булгуччулаах үлэҕэ буруйданна. Бириигэбэр сокуоннай күүһүгэр киирэ илик.