Киин куоракка икки сынньанар-аралдьытар тэрилтэ үлэтэ тохтотулунна

Дьокуускай куоракка бу күннэргэ икки сынньанар-аралдьытар тэрилтэ үлэтэ тохтотулунна.

Эргэ куоракка Аммосов аатынан уулуссаҕа «Контакт-Бар» сынньанар-аралдьытар тэрилтэ уонна Чернышевскай аатынан улууссаҕа «Умед» диэн түүҥҥү кулууп сабылыннылар. Бу туһунан Дьокуускайдааҕы административнай хамыыһыйа пресс-сулууспата иһитиннэрэр.

Санаттахха, былырыын СӨ Борокуратууратын сорудаҕынан Дьокуускай куорат борокуратуурата Эргэ куоракка Аммосов аатынан уулуссаҕа турар «Контакт-Бар» сынньанар-аралдьытар тэрилтэҕэ бэрэбиэркэни ыыппыта.

Бэрэбиэркэ түмүгүнэн сокуон ирдэбиллэрин, болдьоҕо ааспыт бородуукталары харайыы, санитарнай нуормалары кэһии түгэннэрэ тахсыбыта бэлиэтэммитэ уонна тэрилтэ салайааччытыгар административнай дьыала тэриллибитэ.

Оттон Чернышевскай аатынан улууссаҕа «Умед» диэр барга сыл устата былырыын Дьокуускайдааҕы административнай хамыыһыйанан буруйу оҥоруунан элбэх административнай боротокуоллар толоруллубуттара.