Киин куоракка кооперативнай гараастар умайбыттар

Кулун тутар 9 күнүгэр киэһэ 18:30 чааска баһаарынай-быыһыыр сулууспаҕа киин куорат Дзержинскай аатынан уулуссаҕа кооперативнай гараастар умайбыттарын туһунан иһитиннэрии киирбит.

Баһаарынайдар быһылаан тахсыбыт сиригэр түөрт мүнүүтэнэн тиийбиттэр.  Бастакы боксаҕа түөрт квадратнай миэтэрэ иэннээх гараас иһэ уокка былдьаммыт. Иккис боксаҕа 26,5 квадратнай миэтэрэ иэннээх тутуу сарайа уонна тас истиэнэтэ умайбыттар. Баһаар уопсай иэнэ 30,5 квадратнай миэтэрэ буолбут. Уоту умуруоруу дьаһалларынан кооперативнай гараастары уонна тырааныспардары быыһаабыттар. Баһаар тахсыбыт төрүөтэ, буруйдаахтар уонна хоромньу быһаарыллар. Бу туһунан ЫБММ пресс-сулууспата суруйар.