Киин куоракка кыбартыыра иһигэр дьахтар өлүгүн буллулар

Дьокуускайга кыбартыыра иһигэр дьахтар өлүгүн буллулар. Элбэх кыбартыыралаах дьиэ олохтоохторо дьахтар олорор дьиэтин аанын аһарга быыһааччылары ыҥырдылар.

Саха сирин Быыһыыр сулууспатыгар иһитиннэрбиттэринэн, тыллабыр куорат киин улууссатыгар биир дьиэтин олохтоохторуттан киирбит. Испиэлиистэр ааны аһан киирэннэр, 50 саастаах дьахтар өлүгүн булбуттар. Дьахтар өлбүт төрүөтүнэн эспэртииһэ ыытыллар.