Киин куоракка маҕаһыын умайда

Бэс ыйын 13 күнүгэр Дьокуускайга Лермонтов аатынан уулуссаҕа 16 мэндиэмэннээх элбэх кыбартыыралаах дьиэҕэ 1 мэндиэмэнигэр маҕаһыыҥҥа баһаар таҕыста.

Эмсэҕэлээбит дьон суох, 45 киһи эвакуацияланна диэн ЫБММ пресс-сулууспата суруйар.  Баһаар түмүгэр маҕаһыын  15 кв.м иэнэ уокка былдьанна, стеллажтар уонна маҕаһыын үрдэ алдьаннылар. Буруйдаахтар, баһаар төрүөтэ уонна хоромньу быһаарыллар. Олорор дьиэ быыһанна. Уоту умуорууга 40 киһи уонна 9 тиэхиньикэ тардылынна.