Киин куоракка оҕо наркотигы тарҕатыыга холоммутунан сууттаныа

Дьокуускайга криминальнай суолга үктэммит ыччат сууттаныаҕа.

Силиэстийэ сабаҕалыырынан, кини наркотигы атыылыыр тэрээһиннээх бөлөххө киирбит. Буруйданааччы курьерынан үлэлээбит.

Силиэдэбэтэллэр оҕо наркотигы таһар курьерынан буолбут дииллэр. Биллибэт киһиттэн оҕо тарҕатыахтаах 13,51 грамм наркотигы ылбыт. Тарҕатыыга холоммут кэмигэр полиция үлэһиттэрэ оҕону наркотигын кытта туппуттар. Холуобунай дьыала тэрилиннэ. Ыччат холуонньаҕа 10 сылга диэри көҥүлэ быһыллыан сөп. Бу туһунан ИДьМ пресс-сулууспата иһитиннэрэр.