Киин куоракка сиэр-майгы нуорматыгар сөп түбэспэт арт-эбийиэги көтүрдүлэр

Дьокуускай киинигэр массыына дьиэ эркинигэр курдат саахаламмыт курдук оҥоһуллубут арт-эбийиэги көтүрдүлэр. Инсталляция Ленин проспегар турар эбит. Көҥүлэ суох туруоруллубут арт-эбийиэк сиэр-майгы нуорматыгар сөп түбэспэтэ быһаарыллыбыт.

Куорат суол-тырааныспар сулууспатыгар иһитиннэрбиттэринэн, арт-эбийиэги урбаанньыттар Дьокуускай куорат уокуруктааҕы дьаһалтатын кытта сөбүлэһиннэрбэккэ, бэйэлэрэ билэн туруорбуттар.

«Бу чахчы туһунан иһитиннэрии киирэн, чаас кэриҥэ буолан баран, эбийиэк көтүрүлүннэ. Бастаан, эргиэн эбийиэгин бэрэстэбиитэллэрэ ыйытыылара баара, ол эрээри кэпсэтии кэнниттэн көтүрэр туһунан уопсай быһаарыыга кэлбиттэрэ. Бу инсталляция куораты тупсаран оҥоруу быраабылаларын ирдэбилигэр эппиэттээбэт. Туруорууга сөптөөх көҥүллүүр докумуоннары ылбакка эрэ оҥоһуллубут. Конструкция бэйэтэ суол-тырааныспар быһылаанын көрдөрөрөр уонна, дьиҥинэн, сиэр-майгы нуормаларыгар сөп түбэспэтэ», – диэн Суол инфраструктуратын уонна тырааныспар департаменын бэрэстэбиитэлэ иһитиннэрдэ.