Киин куоракка суһал көмө массыыната түҥнэһиннэ

Бүгүн, бэс ыйын 14 күнүгэр, сарсыарда 10 чааска киин куорат Марха түөлбэҕэ  Мархинская уонна Жатайская уулуссалар быһа охсуһууларыгар икки массыына харсыста.

1986 с.т. суоппар «Тойота- Харриер» массыынанан Мархинская уонна Жатайская уулуссалар быһа охсуһууларыгар хаҥас диэки туорууругар  1964 с.т. суоппар «ГАЗ Соболь» суһал көмө массыыната утары суолга тахсан, суол саахала таҕыста.

Суһал көмө массыыната ирдэнэр сигнала, туһааннаах уота суох айаннаан испитэ быһаарылынна. Саахал түмүгэр суһал көмө массыыната түҥнэстибит.  Суһал көмө суоппара араас эчэйиини ылбыт. Быһылаан тахсыбыт кыттыылаахтара арыгы испэтэхтэрэ чуолкайданна. Бу туһунан Саха сиринээҕи ГИБДД сулууспата суруйар.