Киин куоракка түннүктэн сууллубут дьахтар өлүгэ булулунна

Саха сиригэр сууккаҕа 8 буруйу оҥоруу регистрацияланна. Бу туһунан СӨ Борокуратууратын пресс-сулууспата суруйар.

Дьокуускай куоракка уоруу таҕыста. Саха сирин киин куораттарынан уонна Уус Маайа оройуонугар түөкүттэргэ уопсайа 1,9 мөл. солк. албыннаттылар.

Нерюнгрига наркотигы сокуоннайа суох эргиниигэ буруйу оҥоруу тохтотулунна.

Дьокуускай куоракка иккиһин итирик туруктаах сылдьан суоппар уруулга олорбут чахчыта быһаарылынна.

Өлүөхүмэ оройуонугар сэрэҕэ суох туттууттан 1966 с.т. эр киһи булт кэмигэр саанан ытыллан эчэйдэ.

Хаҥалас оройуонугар сокуоннайа суох бултааһын чахчыта билиннэ.

Абый оройуонугар Индигиирка өрүскэ Белая гора бөһүөлэктэн 90 км. тэйиччи  мотуор оҥочонон оройуон кииниттэн  Кэбэргэнэ сэлиэнньэҕэ айаннаан иһэн түҥнэстэн ууга тимирбит  1966 с.т. эр киһи уонна 1966 с.т. дьахтар өлүктэрэ көһүннэ.

Дьокуускайга 50 лет Советской Армии уулуссаҕа турар дьиэ кыбартыыра түннүгүттэн сууллан өлбүт дьахтар туһунан биллэрилиннэ.

Киһи өлүүлээх суол быһылаана регистрацияламмата.

Суукка устата 11 суоппар итирик туруктаах сылдьан тутулунна.