Хаартыска: СИА
Ааспыт өрөбүллэргэ полиция бу сылга саамай улахан түүҥҥү рейдэни ыытта.
Ол курдук, киин куорат «Number One» уонна «21» түүҥҥү аралдьытар кулууптарга Административнай буруйу оҥоруу Кодексынан «Чуумпуну уонна сынньалаҥы кэһии» ыстатыйанан административнай матырыйааллар оҥоһулуннулар.
Бу быраактыка Дьокуускайга бэрт соторутааҕыта баар буолла диэн бэлиэтэнэр. Куорат дьаһалтатыгар чуумпуну кэһиини утары Саха сирин административнай буруйу оҥоруу Кодексын ыстатыйаларынан учуоттанан саҥа хааччахтар олохтоммуттара. Бу иннинэ түүҥҥү тэрилтэлэр ыстарааптаммат этилэр. Онон билигин түүҥҥү кулууптары кытта ыаллыы олорор олохтоохтор чуумпуну уонна сынньалаҥ кэмигэр кэһии тахсар түгэнигэр сөптөөх миэрэ ылылларыгар кыах баар буолбута.
Санатан эттэххэ, СӨ административнай буруйу оҥоруу Кодексын 3.5 ыстатыйатыгар ыйылларынан, чуумпуну уонна сынньалаҥы кэһии киэһэ 21.00 чаастан сарсыарда 8.00 чааска диэри (үлэ күннэригэр) диэри көҥүллэммэт. Өрөбүллэргэ киэһэ 22.00 чаастан сарсыарда 10.00 чааска диэри айдаарар, тыас-уус таһаарар сатаммат. Киин куорат административнай хамыыһыйатын бэрэссэдээтэлэ Феликс Антонов иһитиннэрбитинэн, чуумпуну уонна сыанньалаҥ кэми кэһии тахсарын көрүү-истии үлэтэ 2022 сыл атырдьах ыйын 5 күнүгэр түһэрсиллибит сөбүлэһиинэн полицияҕа бэриллибит. Бу иннинэ административнай эппиэтинэскэ тардыынан уокурук дьаһалталара үлэлииллэрэ. Ол эрээри, түүҥҥү кулууптары кытта үлэ ыытыллыбат эбит, арай биирдиилэн дьонунан административнай матырыйааллар оҥоһуллар буола сылдьыбыт. Бүгүҥҥү күҥҥэ киин куоракка Бестужев-Марлинскай аатынан уулуссаҕа турар «Number One» түүҥҥү кулуупка икки боротокуол көрүүгэ сылдьар. Биир кэһии иһин 250 тыһыынча солкуобай ыстараап көрүллэр. Холобур, «Number One» түүҥҥү кулуупка 500 тыһ. солк. ыстараапка икки боротокуол оҥоһуллубут. Бу сыалга полицияҕа сайабылыанньа суруллуохтаах. Ону кытта видеоҕа уһулан улахан тыас баара иһиллиэхтээх. Итини кытта видеону уонна сайабалыаньаны административнай хамыыһыйаҕа быһаччы ыытыахха сөп.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…