Хаартыска: Елена Потоцкая.
Өрөспүүбүлүкэ күнүгэр Доҕордоһуу болуоссатыттан Өрөспүүбүлүкэ болуоссатыгар диэри уопсасытыбаннай тэрилтэлэр сэлэлээн хаамтылар.
Улуустар бэрэстэбиитэллэрэ, араас көлүөнэ дьон уонна ыччаттар уопсастыбаннай түмсүүлэрэ Өрөспүүлүкэ күнүн анаан айхаллаатылар.
Сунтаар улууһун ыччаттарын Дьокуускай куоракка олорор дьон өйөөн, сахалыы национальнай таҥастарын таҥнан кэлэн кыттыбыттара ураты көстүү буолла.
Кэбээйи улууһун ыччаттара сэлэлээн хаамыыга ох курдук оҥостон кэлбиттэр. Кинилэр бренд-соболорун инники күөҥҥэ тутан киирдилэр.
Тымныы полюһун Өймөкөөн улууһун бэрэстэбиитэллэрэ эмиэ ыччаттарын өйөөн, бэйэлэрин национальнай таҥастарын кэтэн кэлэн, улуустар сэлэлээн хаамыыларын олуһун киэргэттилэр. Өрөспүүбүлүкэ күнүгэр араас көлүөнэ дьонун сомоҕолоһуулара көһүннэ.
Уопсастыбаннай тэрилтэлэр сэлэлээн хаамыыларыгар Үөһээ Бүлүү улууһун ыччаттара эмиэ олус көхтөөхтөрүн көрдөрдүлэр. Баһылыыр-көһүлүүр оруоллаах ыччаттар сэлэлээн хаамыылара болҕомтону тарта.
Дьааҥылар эмиэ бэрт элбэх буолан кэлбиттэр. Киин куоракка олорор Дьааҥыттан төрүттээх дьон ыччаттарын өйөөн, биир сомоҕо буолан сэлэлии хаамыыга кыттыспыттара — хайҕаллаах суол.
Ити курдук, улуустар бэрэстэбиитэллэрэ ыччаттарын өйөөн, Өрөспүүбүлүкэ күнүгэр көлүөнэлэр бэйэ-бэйэлэрин кытта ыкса ситимнээхтэрин көрдөрдүлэр.
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…