Киин куорат чугастааҕы ойууругар сылдьыы кытаанахтык бобулунна

Саха сиригэр IV кылаастаах ойуур баһаара ыам ыйын 24-25 күннэригэр Уус Алдан, ыам ыйын 25-26  күннэригэр Нам, Мэҥэ Хаҥалас, Чурапчы, Амма, Уус Маайа, Алдан, Өлүөхүмэ, Ньурба, Мииринэй, Үөһээ Халыма, Орто Халыма уонна Абый улуустарыгар тахсар кутталланна.

Баһаары бохсууга туһуламмыт үлэ чэрчитинэн, Дьааҥы улууһугар уонна Дьокуускай куорат таһынааҕы сиргэ-уокка анал эрэсиим олохтонно. Маннык ирдэбил турар кэмигэр дьон ойуурга тахсара, айылҕаҕа сылдьара бобулунна. Онон өрөбүллэргэ тыаҕа тахсыыны былааннаммат ордук.

РФ ЫБММ Саха сиринээҕи салаата гражданнарга баһаартан куттал суох буолуутун быраабылаларын кытаанахтык тутуһар наадалааҕын санатар.