Хаартыска: Дьокуускай куорат Дууматын пресс- сулууспата
Дьокуускай куорат Дууматын дьокутааттара олохтоох салайыныы туһунан саҥа федеральнай сокуон барылыгар этиилэрин киллэрдилэр. Төгүрүк остуолга атын боппуруостар ортолоругар киин куорат баһылыгын (мэры) талыы бэрээдэгэ ырытылынна. Бу туһунан Дьокуускай куорат Дууматын пресс- сулууспата иһитиннэрэр.
«Дьокутааттар эрэгийиэннэринэн киин куорат баһылыктарын эрэгийиэн баһылыга анаан-минээн туруорбут эрэ хандьыдааттарыттан талыахтаахтар», — диэн Дьокуускай куорат Дууматын дьокутааттарын бөлөҕө олохтоох салайыныы туһунан саҥа федеральнай сокуон барылын ырытыы кэннэ сөптөөх нуорманы бигэргэтэргэ этии киллэрдэ.
Бу көҕүлээһини бүгүн, алтынньы 15 күнүгэр, киин куорат уокуругун дьаһалтатыгар Ил Түмэн, куорат Дуумата, Дьокуускай куорат уонна СӨ уопсастыбаннай балааталарын уонна киин куорат уопсастыбатын бэрэстэбиитэллэрэ кыттыылаах төгүрүк остуол тула дьүүллэстилэр. Сокуон көҕүлээһинин ааптардара бэлиэтииллэринэн, бу кэмҥэ Арассыыйа үрдүнэн үгүс административнай кииннэринэн быһаччы быыбары ыытартан аккаастаммыттара ырааппыт. Дьокуускай куорат саҥа тиһиккэ көһө уонна сокуон барылын ылына илик дойду үрдүнэн түөрт куорат ахсааныгар киирэр. Бу көҕүлээһини ылыныы хайыы-үйэ атын эрэгийиэннэргэ олохтоммут уонна үлэлии турар быраап быраактыкатыгар сөп түбэһиннэрэн сокуон нуорматын олоххо киллэриэҕэ.
Ил Түмэн Олохтоох салайыныыга кэмитиэтин бэрэссэдээтэлэ Владимир Прокопьев этэринэн: «Баһылыгы дьокутааттар талар түгэннэригэр, былаас сүрүн тосхоллоро оннунан хаалар, ол курдук куорат баһылыга сокуон ирдэбилинэн дьокутааттар иннилэригэр ыыппыт үлэтин сыл ахсын отчуоттуур эппиэтинэстээх».
Дьокуускай куорат баһылыгын талыыга саҥа бэрээдэккэ көһүү агломерация улахан маастар-былаанын олоххо киллэриини кытта сибээстээх диир Дьокуускай куорат Дууматын бэрэссэдээтэлэ Альберт Семенов.
Төгүрүк остуол түмүктэрин таһаарыыга, Дьокуускай баһылыга Евгений Григорьев дьокутааттар көҕүлээһиннэрэ Төрүт сокуон саҥа балаһыанньаларыгар сөп түбэһэрин уонна ураты болҕомтоҕо ылылларын эттэ.
Бу нэдиэлэ уратылаах: саҕаланыыта Скорпион бэлиэтин дириҥ уонна чинчийэр энергиятынан салайтарар, оттон иккис аҥаара Стрелец…
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…