«Киин куорат» хаһыат үлэ саҥа көрүҥэр көһүөҕэ

Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар «Киин куорат» хаһыат туһунан санаатын эттэ.

«Кумааҕынан тахсар хаһыат ороскуота да элбэх, дьоҥҥо тиийэр иһитиннэриитэ да олус бытаан (нэдиэлэҕэ биирдэ тахсар), онон сонуну түргэнник тиэрдэр аныгы көрүҥү тобулуу соруга турар. Сотору кэминэн Антон Жондоров хамаандата уонна «Киин куорат» эрэдээксийэтэ үлэ саҥа тосхолун толкуйдаан, биһиги көрүүбүтүгэр киллэриэхтэрэ», — диэн бэлиэтээтэ куорат мээрэ пресс-кэмпириэнсийэ кэмигэр .